30 de xaneiro: Día da Paz

Os compañeiros do CEIP de Ponzos de Ferrol, elaboraron este chulísimo power point para celebrar o Día da Paz.
Desde aquí, queremos felicitalos por este traballo tan fermoso.

Por que ler? e por que non ler?

Deixamos aquí un vídeo precioso, levado a cabo polos compañeiros da Biblio Olhos grandes.
Unha forma moi visual para animarvos a ler. Esperamos que vos guste tanto como a nós.

Lector de decembro: Fátima Moreira Barciela

LEO: Ola! Como te chamas?

FÁTIMA: Fátima.  

LEO: E cantos anos tes?

FÁTIMA: 5 anos.

LEO: Repites como lectora do mes. Felicidades! Que se sente?

FÁTIMA: Ben.

LEO: E sabes por que repites como lectora?

FÁTIMA: Porque collo moitísimos libros.

LEO: Cantos son moitísimos?

FÁTIMA: Uns cantos.

LEO: Pois voucho dicir eu. 18 foron os libros que liches en decembro desta biblioteca.

FÁTIMA: Pois agora vou coller máis. Na mochila dos libros.  

LEO: Fantástico! E de que van os teus libros favoritos?

FÁTIMA: Os que tratan do mar.

LEO: E hai algún libro que leras un montón de veces?

FÁTIMA: O de aprender o corpo dos golfiños (“O golfiño” de David George Gordon. Editorial A Nosa Terra).

LEO: Cando les Fátima?

FÁTIMA: Pola noite. Antes de durmir.

LEO: E les ti soa ou le alguén contigo?

FÁTIMA: Mamá axúdame a ler. Ela leme os contos. E con Pablito.

LEO: Pablito tamén le contos?

FÁTIMA: Non, Pablito escoitaos comigo.

LEO: E dime unha cousa, ti sabes cal é o conto preferido de Pablito?

FÁTIMA: Sí, o de lúa, lúa, sol (“Lúa” de Antonio Rubio e Óscar Villán. Editorial Kalandraka).

LEO: Que cousas fas cando ves á biblio?

FÁTIMA: Collo contos, os vexo.

LEO: E unha pregunta moi difícil. Se puideras falar cun escritor, que conto lle pedirías que escribise?

FÁTIMA: Pois un que fale de tiburóns e de golfiños.

LEO: E que che gustaría que fixeran os dous?

FÁTIMA: Que foran de paseo pero son inimigos…gustaríame que fosen amigos.

LEO: Moi ben Fátima. Unha última pregunta, por que che gusta ler?

FÁTIMA: Porque aprendo cousas.