martes, 22 de decembro de 2020

GAÑADORES/AS DO CONCURSO DE RELATOS DE NADAL

Ola a todos/as,
Xa temos os gañadores/as do noso concurso de relatos de Nadal. Non foi unha decisión sinxela porque escribistes uns relatos sensacionais . 

A gañadora do 1º premio  é Olaia Gómez, de 4º de primaria, quen nos cativou a todos co seu relato "O Nadal dos xabaríns". O día de Noiteboa Papá Noel se estrela co seu trineo cando está sobrevolando terras galegas. De súpeto, atópase cuns xabaríns, que lle axudan a entregar os agasallos a todos os nenos e nenas. Unha historia moi emocionante!!

O 2º premio, é para  Mabel Castro, de 3º de Primaria, quen escribiu  "Quero aos meus amigos ",  unha historia conmovedora que nos fai reflexionar sobre a  importancia da amizade.   


Por último, Roi Alves, de 2º curso, lévase o 3º premio. Coa súa  historia "Como o Covid quixo roubar o Nadal"  amósanos a través dunha banda deseñada as intrépidas aventuras de Papá Noel e os seus Elfos para salvar o Nadal da Covid 19. Unha historia moi de actualidade!!

Parabéns a todos/as!!

Desexamos que o vindeiro ano, poidamos bailar e cantar, como sempre facemos e como volveremos facer!!

Bo Nadal e Feliz 2021, cheo de ilusións!!

A Fada Acaramelada.

 Todvai saír ben! 🌈 

venres, 11 de decembro de 2020

RECOMENDACIÓNS LECTORAS PARA NADAL

 Está rematando o trimestre e estamos a piques de chegar as desexadas vacacións. No Nadal teremos tempo para gozar dos xogos, para o descanso e a familia, e debemos atopar un tempiño de lectura. Achégate á biblio alí hai milleiros de libros agardando que os atopes e pases un bo rato con eles.

Déixovos aquí as Recomendacións Lectoras Nadal 2020 coas novidades e propostas interesantes para que vos animedes a ler nestas vacacións.

BO NADAL e FELICES LECTURAS!!!!

 A Fada Acaramelada.

 Todvai saír ben! 🌈 

domingo, 6 de decembro de 2020

LECTOR DO MES DE NOVEMBRO

Ola de novo!!

Queredes saber quen foi o lector/a do mes de novembro? 

Nesta ocasión resultou gañador un alumno de segundo curso de Primaria:

 Roi Alves

Roi  co libro "Daniela Pirata"

Aquí vos deixo a súa entrevista, na cal colaboraron os seus compañeiros/as de clase e a reporteira Amanda.

Entrevista  

Amanda: Ola  Roi!  Faiche ilusión ser o lector do mes?

Roi: Si, porque me gusta ler libros.

Amanda:  A verdade é que estás en racha porque tamén fuches o gañador  do concurso de relatos de medo de Samaín. Cantos premios! Lémbrasche cantos libros  da biblioteca liches este mes?

Roi: Creo que seis.

Amanda: Cal é o teu libro favorito?

Roi: Teño moitos libros favoritos, é difícil escoller un... aínda que "Animalotes" e "A que sabe a Lúa?" son dos meus preferidos. 

Amanda:  Por que che gustan os libros?

Roi: Porque son moi especiais para min.

Amanda:  Tes razón Roi, os libros son moi especiais porque nos permiten imaxinar e  mergullarnos nun mundo de fantasía.  Por certo...contas contiños a túa irmá pequena, Sara?

Roi: Si, moitos, por exemplo un libro que lle lin foi " A pequena Lúa".

Amanda: Canto tempo tardas en ler un libro?

Roi: Unha ou dúas noites.

Amanda:  Aparte dos libros, gústache ler revistas?

Roi:  Máis ou menos, aínda que prefiro os libros.

Amanda: E xa para rematar,  poderías recomendarnos aos  compañeiros e compañeiras de clase  un libro para ler en Nadal? 

Roi: Si, "El copo de nieve", de Benji Davis. A min gústame moito.

Amanda: Moitas grazas pola túa suxestión, Roi.  

Desexamos  que manteñas o  gusto pola lectura e a paixón que amosas polos libros.  Chao!

Roi: Ata pronto! 


A Fada Acaramelada.

 Todvai saír ben! 🌈 

xoves, 3 de decembro de 2020

DÍA DA DISCAPACIDADE 3 DE DECEMBRO

O día 3 de decembro conmemórase o Día da Diversidade Funcional, un día para lembrar a igualdade real, sexa cal sexa a nosa condición persoal, porque todos e todas somos diferentes e cada un / unha de nós ten moito que aportar aos demais.

Para conmemorar esta data, os nenos e nenas de terceiro puxeron as súas voces ao conto  "Por cuatro esquinitas de nada", un libro   de Jérome  Ruillier.

Este libro conta a historia de Cuadradito, un pequeno cadrado ó que lle encanta xogar co seu grupo de amigos, os Redonditos. Sempre están xogando e están moi contentos. Pero un día teñen un problema: teñen que entrar na casa grande e alí xorde o conflito. Queredes saber como o solucionan? Escoitade con atención.



Os nenos e nenas de todos os cursos fixemos a actividade "Un mar de cores" , proposta polo  Departamento de Orientación do centro, mediante a cal reivindicamos  que sendo distintos e ninguén igual, todos aportamos cor especial ao mar, co seguinte lema:

"TODOS DIFERENTES NINGUÉN IGUAL, TODOS NECESITAMOS AXUDA E NOS GUSTA AXUDAR"

Todos temos algo bo, unhas capacidades que hai que potenciar e poden axudar aos demais a desenvolver as súas a través da solidariedade, empatía e colaboración.


Por último, puidemos gozar dunha sesión de cine inclusivo, con curtas para reflexionar sobre este tema.

 


A Fada Acaramelada.

 Todvai saír ben! 🌈 

martes, 1 de decembro de 2020

CONCURSO CONTOS NADAL

Ola bibliotecantes!!
Xa está a piques de comezar unha das celebracións máis esperadas e emotivas do ano:

Nadal 

Como sei  que vos encantan os concursos literarios e que se vos da moi ben inventar historias fascinantes, un ano máis,  nestas datas tan especiais, convócase unha nova oportunidade para que presentedes os vosos relatos.  
Premede aquí e veredes toda a información!!



O nome dos gañadores/as  darase a coñecer o vindeiro 22 de decembro.

ANIMÁDEVOS A PARTICIPAR!!


Unha aperta,
A Fada Acaramelada.

 Todvai saír ben! 🌈 

mércores, 25 de novembro de 2020

25 NOVEMBRO- DÍA CONTRA Á VIOLENCIA DE XÉNERO

Hoxe, 25 de novembro, celebramos o Día Internacional contra a Violencia de Xénero, unha xornada dedicada a facernos reflexionar sobre a importancia da igualdade entre homes e mulleres así como o respecto aos demais, independentemente de si temos as mesmas opinións, sexo, idade,relixión...

O día conmemora o asasinato das irmás Mirabal en 1960, coñecidas como "As Bolboretas": Patria, Minerva e María Teresa.


Dende o equipo de Biblioteca  non queríamos deixar pasar o  25 N sen pararnos uns intres en reflexionar arredor da importancia de educar en igualdade. Se ben é certo que o traballamos, na nosa rutina ao longo do curso, nestes días o facemos con máis mimo e profundidade. 

Desde infantil ata primaria todas e todos contribuíron co seu gran de area para seguir lembrando que este día debe ser todo o ano: de respecto e igualdade. Decoramos os corredores do colexio  con mans dispostas a construír un mundo mellor.




Porque as mans serven para outras cousas que no son pegar e facer dano; deben servir para coidar,  para axudar, para acariciar, para colaborar...

Ademais, temos a sorte de contar con numerosos contos na Biblio relacionados coa loita para Igualdade e o recoñecemento do traballo e o valor das mulleres.



No seguinte vídeo, os nenos e nenas de 1º e 2º expresaron claramente a importancia de educar para a igualdade e ten moi claro o que queren e non queren nas súas vidas.


Saúdos violetas!!!

A Fada Acaramelada.

 Todvai saír ben! 🌈 

sábado, 21 de novembro de 2020

DÍA 20 DE NOVEMBRO. DÍA UNIVERSAL DA INFANCIA

O 20 de novembro celébrase o día Universal da Infancia. En 1989, a Asamblea Xeral das Nacións Unidas, aprobou a Convención dos Dereitos da Infancia.

No seguinte vídeo ides aprender máis sobre este día, escoitade con atención.




Para celebrar este día, o alumnado de 4º e 5º de Primaria, quixo reivindicar algúns dos dereitos que debe ter cada neno e nena de calquera parte do mundo.
Escoitémoslles  porque teñen moito que contar e...fagamos realidade os seus dereitos.




E...lembrade, tedes o dereito e o deber máis importante do mundo: 

Ser felices!!!!


A Fada Acaramelada.

 Todvai saír ben! 🌈 

mércores, 18 de novembro de 2020

MAGOSTO

Ola, bibliotecantes! 

Este ano celebramos o Magostodun xeito distinto ao de anos anteriores debido ás esixencias que nos impón o protocolo COVID. 

Velaquí unha presentación onde recollemos algunhas adiviñas, contos, poesías, historias e refráns sobre o Magosto, para que pasedes un rato entretido en familia.

Cara o final aparecen as cantigas e traballos  confeccionadas polas vosas familias e alumnado. Querémosvos agradecer a magnífica participación coa que axudamos a manter esta tradición de outono.

martes, 10 de novembro de 2020

LECTOR DO MES DE OUTUBRO

Ola de novo!!

Seguro que estades impacientes por saber quen foi o lector do mes de outubro. 
Pois ben, nesta ocasión temos que felicitar enormemente a Xabi G. de terceiro de primaria.
Desexades coñecelo un chisco máis?  Déixovos a súa entrevista.


Fada: Ola  Xabi!  Faiche ilusión ser o lector do mes?

Xabi: Si, porque non me lo esperaba.

Fada: Cal é o teu libro favorito?

Xabi: Gústanme moito os libros de medo. Un dos meus favoritos é "O gran libro do medo" e tamén   "O gran libro dos vampiros"

Fada: Canto tempo tardaches en ler o libro?

Xabi: Tres días.

Fada: Aparte dos libros, gústache ler revistas?

Xabi:  Si, encántanme as de súper heroes  e as de lego.

Fada:  Que outros materiais da biblioteca adoitas levar emprestados?

Xabi:  Películas, que tamén me encantan. 

Fada: E xa para rematar, que é o mellor da biblioteca para ti?

Xabi: Todos os libros que ten e as películas.

Fada: Moitas grazas Xabi. Agora os teus compañeiros/as máis eu coñecémoste un anaco máis. Ata logo!

Xabi: Chao!


A Fada Acaramelada,

 Todvai saír ben! 🌈 

sábado, 24 de outubro de 2020

CONCURSO DE MICRO- RELATOS DE MEDO!

Ola a todos/as!!

Como xa é tradición no noso cole, celebramos Samaín convocando un concurso literario con micro- relatos de medo que tanto vos gustan.

Premede na imaxe e veredes toda a información!!



Animádevos a escribir os vosos relatos máis arrepiantes!! Sorte a todos/as!!


Xa temos os gañadores /as do noso concurso!!

Teño que dicir que non foi unha decisión sinxela  porque escribistes uns relatos fantásticos!!

O gañador do 1º premio é Roi Alves, de 2º de primaria, quen nos cativou a todos co seu relato "Algo pasou en Espedregada", o cal ten como protagonista ao noso esqueleto Manolo.

  Parabéns Roi!! 

O 2º premio, vai para Olaia Gómez, de 4º de Primaria, quen escribiu  "O gran",  un relato arrepiante que se desenvolve en París e que vos fará estremecer co desenlace da nova Mary- Anne. 
Parabéns Olaia!! 

Por último, Adriana Ruano, de 5º curso, lévase o 3º premio. Cinco amigas son as protagonistas do seu relato "A noite do terror" que ten lugar nunha casa que quedará encantada para sempre. A que ten boa pinta?
 
Parabéns Adriana!!

Quedei moi satisfeita cos vosos relatos. Cada ano o facedes mellor!!

   Feliz Samaín!!

 A Fada Acaramelada


xoves, 15 de outubro de 2020

DÍA DAS BIBLIOTECAS ESCOLARES

Ola de novo amiguiños!


Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil. No noso cole para celebralo convidámosvos a  participar no seguinte concurso.

Queredes saber en que  consiste?  Aquí tendes toda  a información.

Os traballos realizaranse nas aulas cos vosos profes. 
Para poder participar, os alumnos/as de E. I e 1º-2º de Primaria, empregaredes a seguinte folla.

No caso dos alumnos/as de 3º a 6º , utilizaredes esta outra  folla para describir como é a vosa biblioteca do colexio. Os vosos relatos teñen que estar escritos en galego ou castelán e a extensión máxima será desta folla por unha soa cara.



Os nomes dos gañadores daranse a coñecer o venres, día 23 de outubro. Ademais haberá outras sorpresas que estou preparando para vós!!  Non podedes faltar!!!

Mentres tanto aquí vos deixo a poesía  " A biblioteca escolar" para que a vaiades aprendendo.

                            ANIMÁDEVOS A PARTICIPAR!

O día das bibliotecas é un día moi especial  no CEIP Espedregada. É unha data que esperamos con moita ilusión,  xa que damos a coñecer o proxecto que imos a traballar durante o curso.

"A volta ao mundo da Fada Acaramelada"

O día 23, comezamos a xornada lendo unha invitación que enviei ás distintas aulas. Nela convidaba aos nenos e nenas do colexio a participar nunha viaxe marabillosa, coma xa fixera Phileas Fogg na súa “Volta ao mundo en 80 días”. 


Para poder emprender a súa viaxe, fíxelles chegar os seus pasaportes, os cales teñen que levar consigo cando visiten a biblioteca para rexistrar os libros que van lendo de cada continente.


A continuación, déronse a coñecer os nomes dos gañadores/as do concurso: Que é unha biblioteca para ti?
En Infantil, Alana Paz proclamouse vencedora co seguinte debuxo da súa visión da biblioteca escolar. 



Na aula de primeiro e segundo, unha vez máis, foi Celia Galiano quen resultou gañadora. 

Debuxaches unha biblioteca con todo luxo de detalles, moi ben!!


Na categoría de redacción, os gañadores de cada aula foron:


Xabier Guerra de 3º curso de EP



Fery Ruano de 5º de EP



Candela Da Silva de 6º EP


Parabéns a todos/as!!

Despois, o alumnado das diferentes aulas, cantaron a canción: "A biblioteca escolar". Que ben o fixeron!! Aquí vos deixo os vídeos das súas actuacións:

Alumnado de 1º/2

Alumnado de 3º


Alumnado de 4º /5º


Alumnado de 6º

Por último, quixen agasallar aos meus queridos lectores e lectoras cun libro para que o incorporen a súa propia biblioteca de lecturas. Fixádevos que contentos están!!

Alumnado de EI


Alumnado de 3º EP


Alumnos de 5º EP

Foi un día inesquecible!!

A Fada Acaramelada.

 Todvai saír ben! 🌈 

venres, 9 de outubro de 2020

CHEGAN AS MOCHILAS VIAXEIRAS!!

Que tal vos vai amiguiños?

Un ano máis as mochilas viaxeiras chegan ás vosas casas, nesta ocasión de  luns a venres,  para ofrecervos unha selección de material escrito e audiovisual, para toda a familia.  Iso si, con todas as medidas necesarias para gozar con elas de forma segura nos vosos fogares. 

Con esta actividade pretendemos reforzar o vínculo entre familia e escola, no labor común da formación dos nosos lectores/as. Permítenos tamén fortalecer outras destrezas e competencias: escribir, contar, escoitar... Como ben sabedes ler é unha experiencia única e irrepetible. 

KATIA 2º EP
KATIA 2º EP

Antes de usar os materiais que contén a mochila, seguindo as recomendacións sanitarias,  é recomendable  que  hixienicedes as mans (con auga e xabón ou xel hidro -alcohólico).  Non poderedes compartir os materiais da mochila con ningunha persoa fóra da vosa familia.

SARA E.I.

As mochilas levan un material fixo, o cal é seleccionado previamente polo profesorado do  centro atendendo a criterios pedagóxicos e didácticos. Haberá unha listaxe de todo o material para que  comprobedes, antes da súa devolución, que contén todos os materiais e están en perfecto estado.           
ADRIANA 3º EP

No caderno de bitácora (diario de viaxe), podedes expresar ideas, debuxos, traballos, resumos... que xurdan ao redor do material que vos chega. Deste xeito, tedes a posibilidade de compartilo co resto de compañeiros/as, léndoos na aula


ÁLEX 5º EP
Os vosos/as compañeiros/as están entusiasmados ao recoller as súas mochilas. As imáxenes falan por si mesmas. 

LOLA E.I.


Os pequerrechos de Infantil tamén puideron gozar de boas lecturas coas bolsiñas viaxeiras. Mirade que olliños de alegría!!


Agardo moi expectante a que escribades as vosas opinións, debuxos, fotos, colaxes... en fin as vosas creacións!! Como premio obteremos o noso libro viaxeiro que nos fará medrar xuntos.

Biquiños!!

A Fada Acaramelada.

 Todvai saír ben! 🌈